Jordpyramidene Kvitskriuprestein i Uladalen innafor Selsverket mot Rondane blir sett på som eit naturfenomen av rang, og er dei einaste av sitt slag i Nord-Europa.

Dei siste åra er det rett nok striden om skrivemåten som har vekt størst oppsikt. Statens namnekonsulentar og klagenemnda for stadnamnsaker meiner det rettaste er å skrive Kvitskriuprestan, men for selværar blir dette dovremål, dei vil ha «prestein», som det blir sagt lokalt. Palatal uttale av -ein blir i stadnamn som regel normert til -an.

Dolomittane

Men reiser du nedover mot alpane så kan du finne hundretals i over tusen meters høgd ikkje så langt frå Bolzano, porten til Dolomittane. Dette høgfjellsområdet med 30 ulike massiv strekkjer seg frå Gardasjøen til Østerrike.

Skapt av regn

Dei blir skapt ved at regnvatnet skyller bort leiraktig jord og morenegrunn, men etterlet seg store steinar som ligg som paraplyar og vernar underliggjande masser mot regn.

Kjem stadig til nye

Det tek visstnok 60 år før ei søyle blir rasert, men i dette området kjem det stadig til nye, og dei framstår i eit langt større antal enn på heimleg grunn. Bakdelen er at ein ikkje kjem på langt nær så tett opptil som i Uladalen, dei har også ei meir raudleg farge.

200 år gamle

Dei høgste søylene i Uladalen er rekna til å vera rundt 200 år gamle. Morenemassa skriv seg frå ei av istidene og er minst ni tusen år gamle.