250 menneske møtte fram da landets første statue av Knut Hamsun i heilfigur vart avduka på fødestaden Skultbakken i går.

- Eg har gjort det eg har gjort. Det står eg for og bøyer meg ikkje for nokon ting, fastslo skulptør og bilethoggar Skule Waksvik da landets første statue av Knut Hamsun i heilfigur vart avduka.

Det skjedde 150 år etter han vart fødd på husmannsplassen Skultbakken.

Kunstnaren var minst like bratt i nakken som statuen av den alltid like omstridde nazisympatisøren og nobelprisvinnaren frå 1920. Båe står på sitt.

Isen er brote

- Eg er glad for at nokon endeleg har brote isen slik at det går an å få reist statue av Hamsun. Da vil det kanskje bli fleire skulpturar av han, på line med andre store, norske forfattarar som Ibsen og Wergeland. Eg håpar at folk greier å skilje mellom forfattaren og den politiske klovnen. Det finst mange eksempel på slike kunstnarar, sa Waksvik og retta ein takk til Unn og Birger Bostad som har kosta statuen, grunneigarane Else og Tor Brun og Vågå kommune som tok mot til seg til å bli den første.

Hva synes du om den nye statuen? Si din mening!

Vi har noe problemer med serveren, men kommentarfeltet skal snart være på plass igjen.