Torsdag skal prest Grant Aaseng gjerna nye framstøyt for å finne slekt i Heidal og Vågå.

Midt i jungelen mellom nåtidas meir eller mindre useriøse realityseriar, lanserte TVNorge sist torsdag ein ny serie som fekk stor oppslutning.

- Eg er stolt som ein hane, seier TVNorge-sjef Harald Strømme om at Alt for Norge fekk langt over ein halv million sjåarar. På det meste fylgde 600.000 programmet.

Av 4,5 millionar amerikanarar med norske røter, har fjernsynsselskapet fått med seg 10 med vilt forskjellig bakgrunn og frå vidt forskjellige stader i USA på ei konkurranse om å meistre livet som nordmann. Også her er det utslagsmetoden som gjeld. Vinnaren frå 50.000 dollar og sitt livs første møte med norsk slekt i premie.

Ein av desse er presten Grant Aaseng frå tjukkaste midtvedsten, Alexandria i Minnesota. Etternamnet fører mot Heidal og utvandra familie kom visstnok frå Vågå. Pressekontakt Thea Lund Kristoffersen opplyser at TVNorge sjølvsagt ikkje kan gå nærare inn på dette før serien er ferdigsendt, men røpar at den 54 år gamle pastoren med kone og to barn som syng norske julesongar og er opptatt av tradisjonar neppe forsvinn med det aller første...