Gjennom ein heil time underheldt dei to ungdomsbedriftene «Kreativ» og «Xplosiv» eit fullsett grendehus oppi Skåbu tysdag kveld. Bedriftene tek utgangspunkt i 8. og 9. klasse på Skåbu oppvekst og er eit viktig bidrag for å få inn kjærkomne kroner til klasseturen dei har i 10. klasse. Inntekter frå kalender er også viktig.

Frå scena fekk vi servert mange gode sketsjar og det er imponerande å tenke på at ungdomane har gjort alt sjølv. I bakgrunnen spelar Tori Virik Nøvik ei viktig rolle, men ungdomane har skrivi tekstene sjølve, lyd og lys hadde dei kontroll på, design av plakatar og til og med serveringa i pausen hadde dei ansvaret for.

Stor varisjon

Det var stor variasjon blant sketsjane og vi vart spesielt imponert over kor flinke ungdomane var til å prate dialektane frå rundt omkring i Norge.

Vi fekk sjå at Jan Thomas kom for å fikse bygdefolket, vi fekk eit lite glimt av spøkjelse frå Vinstra og forslag til namn på «byen» Vinstra fekk vi også. Kvifor ikkje kalle den for Skåby lurar ungdomane på. Det er iallfall forslaget.

Gjennom framsyninga fekk vi servert fleire eksempel på kva som er ein typisk kvamvêr. Og på Facebook er det visstnok lurt å oppdatere med mange utropsteikn og smileteikn. Dametrimmen oppi Skåbu er visst reale ting og rappe kan dei og i Skåbu. Well done