Ho inviterte nemleg laurdag inn til CD-slipp i sin eigen hage. Og sjølv om det var eit småsurt vêr møtte folk opp. For Klåpbakken er på veg oppover både når det gjeld kjendis- og musikalsk status.

«Framtida» er Klåpbakkens aller fyrste album og ho framførte alle songane til 260 frammøtte i hagen.

- Personleg plate

- Plata er veldig personleg og det er eit produkt eg står inne for. Det er nok eit album folk må høyre på både to og tre gongar før det fengar skikkeleg. Plata handlar om å sjå framover og ha eit håp. Samtidig er det viktig å glede seg over det ein har, seier Klåpbakken til GD.

Det vart ein riktig liten fin minifestival. Ikkje nok med at Klåpbakken lanserte sitt nye album, ho inviterte også unge lovande musikarar til å kome og spele.

- Marie er vårt store forbilde

«Fjosfolket» med Simen Grindstuen, Ole Jørund Eggan, Ann Kristin Rostløkken og Mari Midtli, alle ungdomar frå Sel kommune fekk lov til å spele, samt Synne Grosberg med gitaristane Ola Røssum og Syver Fossen.

- Marie er vårt store forbilde og vi er utruleg glade for å spele i eit slikt proft arrangement, seier Midtli til GD.

Etter at desse var ferdige på scena spelte Terje Iversen med band opp til fest. I hagen til Klåpbakken.

Både anmeldelse av albumet til Klåpbakken og større reportasje kjem i måndagens GD.