VÅGÅ: Folk flest tenkjer på fotturar og klatring når det kjem på tale om vårt mest alpine fjellområde, men nå har The Guardian kåra Jotunheimen til eitt av dei fem beste sykkelområda i verda. Årleg går det eit stort sykkelritt mellom Sogndal, over Sognefjellet til Lom og Vågå og attende over Valdresflya til Lærdal - eller omvendt, og dei to siste åra har Bøverdalen idrettslag arrangert Sognefjellet duatlon frå Galdesand til Sognefjellshytta. Dette kan ha vore «god medisin».

Ringenes Herre

Den engelske storavisa har plukka ut «Topp 10», dei 10 flottaste og mest opplevingsrike sykkelområda i verda, og rangert fem av desse som dei mest spektakulære. Jotunheimen i Norge kjem på line med Alpe d’Huez i Frankrike, Langkawi i Malaysia, Dubois i Grand Teton National Park, Wyoming i USA, og Port Philip Bay, Melbourne i Australia. «Netjetter» og reporter Susan Greenwood meiner at Jotunheimen kunne ha vore ein sterk konkurrent til New Zealand som kulisse for dei oppsikstvekkjande filmane om Ringenes Herre.

Out of this World

I realiteten er det vel Sognefjellsvegen mellom Lom og Sogn som blir omtala som «the icy Norwegian beauty of the Jotunheimen mountain passes». På to hjul mellom iskrystallar, med kvasse Smørstabbtindar og mektig Fanaråk har gjeve soldie inntrykk. Det høgste fjellområdet i Skandinavia byr på tøffe utfordringar og eventyrlege opplevingar, dei som foretrekkjer mindre utfordringar kan ta ein tur frå Turtagrø utover Sognefjorden mot Borlaug. Ein kveldstur etter høgfjellsovergangen byr på «icy beuty out of this world» - det er med andre ord så vakkert at det ikkje kan beskrivast - og betre reklame går det vel ikkje an å få.