- Det går ei grense for kor lite eit landbrukskontor kan bli før det går ut over ei viktig og krevjande tenesteyting, sa ordførar Simen Bjørgen da Lom formannskaptirsdag skulle ta stilling til fortsatt eksistens for eige landbrukskontor, eller samarbeid med andre. Ei sak som har versert att og fram i mange fora i lang tid.

Avviser Skjåk

Administrasjonssjefen foreslo forhandlingar med Skjåk, men ba om innspel frå faglaga. Det kom dagen føreåt og snudde opp-ned på det meste. Faglaga vil fortsatt ha eige landbrukskontor, samarbeid med Vågå-Sel blir sett på som beste alternativ.

Dette vektla Johanne Helleberghaugen (Sp). Ordføraren sa seg berrre delvis samd.

- Eg har eit grunnleggjande syn på at det er nødvendig med samarbeid for å få eit større miljø, og er ikkje tilfreds med noko av forslaga. Landbruket er viktig for Lom og heile regionen, og det krevst eit tettare og meir forpliktande samarbeid om landbruks- og næringsutvikling i Nord-Gudbrandsdal, og dette bør vi ta ei runde på i regionen, sa Bjørgen. Ordføraren sette fram eige forslag om at Lom inntil vidare skal oppretthalde eige landbrukskontor og ta initiativ til regionalt forpliktande samarbeid om landbruks- og næringsutvikling i vid forstand.

Framtidsretta

Aps Anne-Lise Marstein sa seg heilt samd, partifelle Hellebergshaugen ga også uttrykk for at det må til samarbeid på sikt.

Framtidsretta, fastslo Per Bådshaug (Bl), og stilte spørsmål om Lom greier seg aleine, eller ha fortsatt samarbeid med Skjåk.

Administrasjonssjef Ola Helstad sa at det blir nødvendig med kjøp av tenester og rosa Skjåk for samarbeidsvilje.