Ordførar i Sør-Fron kommune, Aksel Eng, er veldig glad for at det endeleg blir gjort noko med Hundorp bru.

- Slik som situasjonen er i dag er det veldig uoversikteleg ved brua. Nå skal vegvesenet byggje ut brua for 14,4 millionar kroner og eg håper vi kan utnytte denne rehabiliteringa til noko meir, seier Eng.

Han peikar på at dei millionane skal brukast på sjølve brua, men han har håp om å gjere noko med innkøyrslane til brua.

- Eg vil gjerne at vi får til større rom fram til brua. Reaksjonane frå Statens vegvesen har vore positive og sidan brua skal pussast opp likevel kan vi få til meir, seier Eng.

- Stor forståing

Han er ganske sikker på ulempene som vil oppstå av stenginga av brua frå 1. mai - 1. oktober vil bli motteke med forståing.

- Sjølv krysser eg denne brua dagleg og det er ikkje tvil om at det trengs utbetringar. Det er Opplands dårlegaste bru og nå får vi gjort noko med tilstanden, seier Eng.

Dette vil dei som bruker den ofte også forstå meiner han.

- Resultatet vil bli meget bra for alle, seier Eng.

Onsdag kveld vil Statens vegvesen informere til alle interesserte om planane. Møtet vil vere på Dale-Gudbrands gard.

Er Hundorp bru den verste brua i Oppland?