For første gong i historia er det farbar bilveg til Leirvassbu turisthytte til påske.

- Dette har ikkje vore gjort før, fortel Ragnar Kleiven, han har vore med på å frese opp den 13 kilometer lange strekninga frå Bøverkinnhalsen til turisthytta 1400 meter over havet sentralt i Jotunheimen i 56 år, heilt sia 1955. I sitt 79. år har han aldri sett så lite snø etter denne vegstrekninga.

Innover frå den populære «Fritt vilt- turisthytta» omkransa av totusenmeterstoppar og mange brear er det rett nok bra skiføre.

Eigaren Christian Sulheim seier at vegen først og fremst er oppbrøytt med tanke på varetransport og at det ikkje er avgjort om vegen skal haldast oppe for besøkjande. Det må i tilfelle bli dagstrafikk. Båe tok tek atterhald om at tilhøva kan endre seg og at vegen kan blåse att fort om det blir vind og uvær.