26. juni vart det konkludert av Statens naturoppsyn at ni søyer og tre lam var drepe av jerv i Samdalsområdet i Ringebu kommune. Fellingstillatelse frå Fylkesmannen i Oppland på ein jerv vart gjeve muntleg same dag og skriftleg 29. juni. Men det vart spesifisert at denne tillatelsen ikkje gjeld jervetispa med ungar.

LES OGSÅ: Vil skyte jervemor med små unger

Det reagerer Ringebu kommune på og har sendt inn klage på vedtaket.

- Meiningslaust

"Det er ikkje noko som indikerer at det er ein annan jerv i området som tek sau/lam og det blir derfor meiningslaust å gje fellingstillatelse på ein jerv der tispe med ungar er unnateke" står det i brevet kommunen har sendt inn til Direktoratet for naturforvaltning. Kommunen meiner heile familiegruppa må takast ut.

Dei påpeikar er Ringebu kommune er ein stor utmarks- og landbrukskommune der det blir sluppet ut omtrent 20.000 sauar og lam kvart år på utmarksbeite. 200 storfe blir også sluppet ut. Kommunen fryktar skadene vil bli omfattande dersom ikkje jervefamilien blir teke ut. Ringebu kommune håper på eit raskt svar frå Direktoratet.

Fellingsområdet er avgrensa til den delen av Ringebu kommune som er sør for Friisvegen og aust for Gudbrandsdalslågen. Tidsrommet er til og med laurdag 12. juli 2010.

Bør jervetispa med ungar skytast?