VINSTRA: Ei veke til ende arrangerer handelsstanden på Vinstra og Nord-Fron kommune eit handelsstemne. Formålet er å skape litt liv og røre over ei lengre periode. Laurdag formiddag opna dei stemnet ved å gå i tog med humoristiske innslag. Peer Gynt var i fokus. Toget gjekk frå Sødorptunet til stasjonsparken.

Innslag frå Peer Gynt

I toget som vart leda an av ordførar i Nord-Fron kommune, Tove Haguli, var det fleire innslag frå Henrik Ibsen sitt Peer Gynt. Ein kunne skimte underjordiske skapningar frå Dovregubbens Hall, mor Åse hoppa rundt, den grønkledde var der og sanneleg kom Terje Vigen roande og. Framme i toget spelte Vinstra musikklag.

Varer ei veke

Utanfor kommunehuset er det sett opp aktivitetsboder og handelsboder. I tillegg er det utstilling på biblioteket ved servicetorget. Barhaug sanitetsforeining sel noko å bite i, samtidig som det var lagt opp til eit opplegg for ungane. Handelsstemnet varer ei veke.