Ringebu kommune og Vekkom beitelag sendte tysdag inn ein søknad til Fylkesmannen i Oppland om å få lov til å felle ein bjørn i Ringebu. Det vart funne kadaver av to søyer ved Loesetra - Skotten i Ringebu. Statens naturoppsyn (SNO) fastslo at det eine av dei var teke av bjørn.

Denne søknaden er nå lagt på is.

- Dette er ein søknad vi har latt liggje for å sjå på skadebilete. Vi har ikkje registrert fleire skader og det kan vere ein bjørn som såvidt har vore innom, seier seniorrådgjevar i Fylkesmannen i Oppland, Ola Hegge.

Han har ikkje noko formeining om det er den same bjørnen som var i Øyerfjellet nyleg.

- Det er eg ikkje i stand til å bedømme, seier Hegge.

Derimot fortel han at det verkar som om rovdyra har roa seg litt.

- Det har vore lite problem dei siste dagane, seier Hegge.

Trur du rovdyra har gått i hi?