Torsdag vart skilta på Fron Badeland oppmontert.

- Med desse kan ein sjå Fron Badeland frå E6, seier rådmann i Sør-Fron kommune, Jan Reinert Rasmussen.

Han fortel at Fron Badeland er størst, mens namnet "Fronsbadet" er i litt mindre format på skiltet.

- Badelandet har fleire namn blant innbyggjarane. Nokre seier kun badeland, andre seier Fron Badeland, mens nokre seier Fronsbadet. Dei viktigaste er at folk kjem, seier Rasmussen.

21.000 besøkende

Rådmannen fortel at 21.000 personar har besøkt badelandet sidan det opna da dei hadde opptelling 21. august.

- Det er eit høgare antal enn det vi forventa, seier Rasmussen.

Det er ikkje berre skilt som har vorte nytt i området rundt badelnad. Det arbeidast også med å gjere området rundt finare. Gras og beplantning vil dukke opp etter kvart.

- I tillegg arbeider vi med parkeringsplassar og snuplass ved badelandet, seier Rasmussen.

I løpet av hausten vil Fron svømmeklubb ta i bruk badelandet.

- Det er stor aktivitet og det er vi glade for, seier Rasmussen.

Kva tykkjer du om skilta?