I innstillinga til formannskapet i Ringebu kommune 9. september anbefaler rådmann Jon Alver politikarane om å sjå sørover i staden for nordover i ei eventuell kommunesamanslåing.

I klartekst betyr det eit klart nei til å sjå nærmare på samanslåing med Sør-Fron og Nord-Fron kommune for Ringebu sin del.

- Det bør ikkje brukast ressursar på å delta i eit arbeid med sikte på å vurdere nærmare kva ein vil oppnå ved ei samanslåing av dei tre midtdalskommunane i dag, skriv Alver i innstillinga.

Forespurnad frå Sør-Fron

Grunnen til at saken kjem opp til behandling i formannskapet i Ringebu er etter henveldelse frå Sør-Fron kommune. Dei har fått forespurnad frå Nord-Fron kommune om å sjå på ei eventuell kommunesamanslåing. Det takka Sør-Fron kommune nei til, men ville sjå på saken på nytt dersom Ringebu stilte seg positiv til prosessen. Det gjer dei ikkje ifølgje innstillinga til rådmannen.

9. september får vi svar på kva politikarane meiner om saken når politikarane møtes i formannskapet.

Er det rett av Ringebu kommune å sjå sørover i staden for nordover?