På denne måten oppsummerer Magnus Lilleengen Nasjonalparkfestivalen 2012 i Skjåk.

Ei allsidig olsokhelg med noko for alle vart avrunda med fjellturar, rafting og kanopadling. Lilleengen trekkjer fram opninga av skatebana laurdag som eit av dei store høgdepunkta.

- Det er artig å sjå eit så blomstrande skatemiljø i Skjåk. Til den nye skateparken kom det mange tilreisande og engasjerte foreldre. Dette skaper motivasjon for å gjera mer. Eit finfint tiltak, seier Lilleengen som var leiar i komiteen for Nasjonalparkfestivalen.

Han kan ikkje skjøne at det var noko som slo feil i år, og som blir utelukka i programmet for neste års arrangement.

Lilleengen har klare tankar om kva som kan vidareutviklast. Men han vil ha meir handfaste tilbakemeldingar frå dei andre i komiteen før han seier meir om 2013-festivalen. Magnus Lilleengen seier det var stor oppslutning om dei vellukka konsertane på Storøya.

Alt i alt vart det ei olsokhelg rik på store opplevingar.