Torsdag var det gjennomkøyring av utforløypa og medaljesankaren frå Vancouver likte løypa.

- Dei har gjort ein god jobb med løypa. Den er hard og fin å køyre på, seier Lund Svindal.

Nå håper han at suksessen til Jansrud bidreg til ein folkefest til helga i Kvitfjell.

- Jansrud sitt OL-sylv bør jo få folk på renn. Han er jo på heimebane og det burde kome ein del folk for å hylle han, seier Lund Svindal.

Sjølv håper han på å kjempe om ei topplassering.

- Når eg står på startstreken er det snakk om å køyre best mogleg. Konkurranse er konkurranse og eg føler meg brukbart restituert etter OL, seier Lund Svindal.

LES OGSÅ: Gamle stjerner på ski i Kvitfjell under verdenscupen

- Super-G er min beste moglegheit

Den lokale helten Kjetil Jansrud fortel han har størst moglegheit til å kjempe om pallplass i Super-G på søndag.

- Eg har ikkje heilt funne ut korleis eg køyrer utfor enda, så styrka mi er heilt klart på dei meir tekniske øvelsane, seier Jansrud.

Han tykte gjennomkøyringa gjekk greit trass i at han er litt døgnvill.

- Det har vorte mykje søvn på meg i det siste for å seie det slik, seier Jansrud.

Han håper og på at mange tek turen for å heie dei norske fram.

- Eg er minst like gira på å vise meg fram for kjentfolk som eg var i OL, seier Jansrud.

Skal du ta turen til Kvitfjell for å hylle Jansrud og Lund Svindal?