Etter eit års pause, er vi glade for å nok ein gong kunne invitere til haustutstilling i Galleri Ullinsvin – "Morten Krogvold sine utvalde"! Sjølve opninga er på laurdag 23. september, og årets utstillarar er fotokunstnarane Morten Løberg med utstillinga "I Am Standing Here To See" og Tone S. Beckman med utstillinga "Slik ser jeg". Ifm. opninga blir det både tale ved Morten Krogvold og kunstnarsamtale med utstillarane.
Tradisjonen tru spenner programmet for opningshelga over heile tre dagar. Vi byrjar på fredag kveld den 22. september med konsert i Vågåkyrkja med Aage Kvalbein (cello), Maren Myrvold (sopran) og Petter Richter (gitar). Laurdag morgon blir det gratis morgonfilm i Vågå kulturhus utvald av Morten Krogvold i Vågå kulturhus.
På søndag 24. september held Morten Løberg foredraget: "Det er så tynt, lyset" i Galleri Ullinsvin.
Haustuttillinga blir arrangert i fellesskap av Galleri Ullinsvin, Vågå kameraklubb og Morten Krogvold Workshops. Meir info. om arrangementet og kunstnarane på ullinsvin.no.