I slutten av september er det klart for ny Gudbrandsdal Musikkfest i heile dalføret vårt.
I tre dagar til ende - frå 29. september til 1. oktober 2023, blir dalen igjen fyllt med musikarar og musikk frå øvste hylle. Klassiske artistar og folkemusikarar set kvarandre i stevne på unike konsertarenaer frå Skjåk i nord til Lillehammer i sør. Billettar til samtlege ti konsertar er nå lagt ut på musikkfesten sine nettsider.
Åpningskonserten er også i år i Tinde hytter sin fabrikk på Vinstra. Der skal mezzosopran Ingeborg Gillebo, fiolinist Cam Kjøll, pianist Wolfgang Plagge og multimusiker Stian Carstensen spele saman med Orkester Innlandet og unge talent frå heile Gudbrandsdalen. Dirigent er Peter Szilvay.
"Dette er det format over. Vi gratulerer, med gullskrift", skreiv GD på leiarplass etter fjorårets storkonsert i Tindehallen - med 700 begeistra gudbrandsdølar, hyttefolk og tilreisande i fabrikkhallen. I år slår musikkfesten porten opp på nytt for haustens musikalske høgdepunkt i Nordens største hyttefabrikk.